Qo‘qon shahrida O‘zbekiston Respublikasi davlat mustaqilligining o‘ttiz to‘rt yillik bayramiga tayyorgarlik ko‘rish va uni yuqori saviyada o‘tkazish bo‘yicha vazifalar belgilab berildi. Qo‘qon shahar hokimi Marufjon Usmonov kun tartibidagi masalalarga aloqador mas’ullar ishtirokida bo‘lib o‘tgan muloqot chog‘ida mamlakatimiz davlat mustaqilligi shodiyonalariga munosib tayyorgarlik ko‘rish, hududlarni obodonlashtirish va ko‘kalamzorlashtirish, bayram tadbirlarini yuqori saviyada tashkil etish, mahallalar, mehnat jamoalarida ham bayramni munosib nishonlash yuzasidan vazifalar belgilab berildi. Muloqot chog‘ida shuningdek aholi murojaatlari bilan ishlash, maktab bitiruvchilarini oliy va o‘rta ta’lim muassasalariga tayyorlash, mahallalarda tadbirkorlikni rivojlantirish, jinoyatchilik va huquqbuzarliklarning oldini olish masalalari ham muhokama etildi.